Búginde elimizde osyndaı 41 myńnan astam stansıa bar.
Halqy 200 myńnan asatyn 1432 aýyl áli keńjolaqty mobıldi ınternetke qosylmaǵan. Bul týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy Almaty-akshamy.kz QazAqparatqa silteme jasap.
«Elimizde 6 406 eldi meken bar, onyń 4 974-i, ıaǵnı 77 paıyzy mobıldi ınternetke qosylǵan. Onyń ishinde 2 928 eldi meken 4G-ge qosylǵan, qalǵany 2 046 3G tehnologıasymen qamtamasyz etilgen. Ótken jyldyń qorytyndysy boıynsha qosymsha 241 AEM ınternetke qosyldy jáne 1 059 AEM-de sapa jaqsartyldy», - dedi Baǵdat Mýsın Úkimet otyrysynda.
Vedomstvo basshysynyń aıtýynsha, baılanys sapasyn arttyrý maqsatynda jyl saıyn «bazalyq stansalar» sany kóbeıip jatyr.
«Búginde elimizde 41 myńnan astam «bazalyq stansıa» ornattyq. Bul jyl saıyn jańa stansıalardyń 3 myńǵa ósetinin bildiredi. Barlyq eldi mekenderdiń 25 paıyzy ADSL tehnologıasymen, ıaǵnı mys symmen jáne 33 paıyzy ǵana optıkamen qosylǵan. Sonymen qatar, halyq sany 200 myńnan asatyn 1432 aýyl keń jolaqty mobıldi ınternetpen qamtylmaǵan», - deıdi ol.