Búgin – qazaq fýtbolynyń «týǵan kúni».
2003 jyly QFF Atqarý komıteti qazaq fýtbolynyń 90 jyldyq mereıtoıyn atap ótý úshin 25 sáýirdi aıaqdobymyzdyń týǵan kúni etip bekitken. 2002 jylǵy 25 sáýirde Qazaqstan resmı túrde ÝEFA quramyna qabyldanǵan bolatyn. Sodan beri qazaq jerinde 25 sáýir «fýtbolymyzdyń týǵan kúni» bolyp esepteledi. Negizi, qazaq jerinde fýtbol óneriniń resmı túrde bastaý alǵan naqty ýaqyty 1913 jyl bolyp sanalady.
Búginde otandyq aıaq dopshylardyń aıaq alysy jaman emes. El namysyn álemdik deńgeıdegi machtarda abyroımen kóterip júr. Kúlli álem kóz tigetin fýtbol oıynyna qyzyǵatyndar qatary elimizde de kóbeıip keledi.
Bastysy, qazaq fýtbolynyń bolashaǵyna degen senim de nyǵaıyp keledi.
Esterińizge sala keteıik, qazir Fýtboldan Premer-lıga komandalary arasyndaǵy el birinshiligi týrlary ótýde. Ótken demalys kúni almatylyq "Qaırat" komandasy óz alańynda Shymkenttiń "Ordabasy"-men kezdesti. Tartysty oıyndy tamashalaý úshin Almaty stadıonyna 10 myńnan astam jınaldy. Osyǵan qarap, otandyq aıaqdopshylardy qoldaıtyn fýtbol jankúıerleriniń qatary da qalyńdap kele jatqanyn bilýge bolady.
"Qaırattyń" kelesi oıyny Qostanaıdyń "Tobylymen" 6 mamyrda Qostanaıda ótedi. Otandyq sportty qoldap, machtardan qalmaýǵa tyrysaıyq!