Svetlana Romanovskaıa: «Biz uıaly baılanys operatorlary qyzmetiniń sapasyn teksere alatyn táýelsiz saraptama qurý máselesin kóterip jatyrmyz»
Almaty qalasynyń óńirlik komýnıkasıalar qyzmetiniń alańyna «Ulttyq tutynýshylar lıgasy» Respýblıkalyq qoǵamdyq birlestiginiń prezıdenti Svetlana Romanovskaıa shaqyryldy. Ol sotta uıaly baılanys sapasy sáıkes kelmeıtinin aıǵaqtar arqyly dáleldeýge bolatynyn aıtty, dep habarlaıdy almaty-akshamy.kz.
Ol úshin uıaly baılanystyń sapasyz ekenin ony basqa telefon arqyly vıdeoǵa túsirip alyp, ol aqparattyń bárin notarıaldy turǵyda bekitip, ony keıin sotqa dálel retinde usynýǵa bolady.
«Másele mynada, bizde usynylatyn uıaly baılanys pen ınternet qyzmetteriniń sapasyn tekseretin táýelsiz saraptama joq. Almatylyqtar ǵana emes, qazaqstandyqtar da jıi shaǵymdanady. Vatsap nemese telegramm jelilerine qaraǵanda uıaly baılanys arqyly qońyraý shalý múmkin bolmaıtyn kezder bar. Biz bul máseleni kóterip kelemiz. Táýelsiz saraptama joq. Sot presedentteri bolmaıdy. Shaǵymdar boıynsha biz medıatıvtik tártippen kelisimder jasaımyz. Mysaly, aýyryp jatqan anasyna habarlasa almaǵan. Sondyqtan, uıaly baılanys operatorlary qarajaty qaıtaryldy. Bul úlken soma emes. Degenmen», - dep túsindirdi Svetlana Romanovskaıa.