2,5 myń teńgeniń tarıfi 6,5 myńǵa deıin qymbattap ketken.
Shymkentte 147 jerde uıaly baılanys nasharlap ketkendikten, operatorlaryna ótken 7 aıda 44 mıllıon teńge aıyppul salyndy, dep habarlaıdy aqshamnews.kz OTYRAR-ǵa silteme jasap.
"Eń kóp aıyppul Kcell-ge salyndy – 22 mln teńge. Beeline men Tele2 árqaısysyna 11 mıllıon teńgeden aıyppul salyndy", - deıdi sıfrlandyrý basqarmasynyń basshysy Muhıt Kemelov.
Al qala turǵyndarynyń aıtýynsha keıingi bir jylda tarıf quny birneshe esege ósken.
"2,5 myńteńge bolǵan tarıf qazir 6,5 myń turady". "Durys jumys istemeıdi, ınternetke kirý qıyn", "Baılanys nashar. Buryn 2900 teńge tóleıtinbiz, qazir 5900 teńge tólep jatyrmyz",-deıdi shymkenttikter.
Ótken jyly aldyn ala eskertýsiz baılanys qunyn kótergen. Mamandar azamattardyń aryz-shaǵymy negizinde operatorlarǵa eskertý berilgenin aıtady.
"Operatorlar bir aı buryn eskertýi kerek. Osydan keıin baǵany kótere alady. Quzyrly vedomstvo byltyrǵy jaǵdaı boıynsha jumys istep jatyr. Tarıf quny kelisimshart talaptaryna saı bolýy kerek",-dep túsindirdi Muhıt Kemelov.
Aıta keteri, bıyl Shymkentte 20 eldi mekenge talshyqty-optıkalyq jeli tartý josparlanyp otyr. Nátıjesinde 210 myń turǵyn sapaly ınternetpen qamtamasyz etiledi.