Qaraǵandy oblysynda taza qandy Arab tuqymdy báıge atyn urlap, soıyp alǵan kúdiktiler ustaldy, dep habarlaıdy Almaty-akshamy.kz. Qaraǵandy oblystyq PD Baspasóz qyzmetine silteme jasap.
Qaraǵandy oblysy, Shet aýdandyq polısıa bólimine 30 jastaǵy aýdan turǵyny aryzdanyp, belgisiz bireýler halyqaralyq báıgege daıyndap júrgen tulparyn urlap ketkeni týraly habarlaǵan. Jábirlenýshige keltirilgen shyǵyn 1 mıllıon 500 myń teńgeni quraǵan.
-Polısıa qyzmetkerlerimen júrgizilgen keshendi jedel-izdestirý is-sharalary barysynda osy iske qatysy bar degen kúdikpen 23 jáne 54 jastaǵy azamattar ustaldy. Olardyń barlyǵy Shet aýdanyndaǵy blok-bekette qolǵa tústi. Kúdiktiler urlanǵan jylqyny soıyp, múshelep tastaǵany týraly moıyndaý kórsetpe belgilerin berdi. Atalǵan fakt boıynsha Qazaqstan Respýblıkasy Qylmystyq kodeksiniń 188-1 babyna sáıkes qylmystyq is qozǵaldy, -dep habarlady Qaraǵandy oblystyq Polısıa departamenti Krımınaldyq polısıa basqarmasynyń bastyǵy Aslan Óskembaev.
Sondaı-aq, basqarma bastyǵynyń aıtýynsha jyl basynan bastap, oblys aýmaǵynda 644 bas mal urlanyp, onyń 547-si ıelerine qaıtarylǵan. Mal urlyǵynyń aldyn alý maqsatynda 13 qyrkúıek pen 30 jeltoqsan aralyǵynda oblys aýmaǵynda "Mal urysy" jedel aldyn alý is-sharasy ótkizilýde. İs-shara aıasynda óńirdegi avtojoldarǵa 17 jyljymaly beketter qoıyldy.
Qaraǵandy oblystyq PD Baspasóz q