Baıǵalı Esenálıev, akter, dramatýrg, kompazıtor:  Ózgeristi qalasaq, ózimiz ún qosýymyz kerek

Men tańerteń ertemen saǵat 8.00 kezinde №542 saılaý ýchaskesine baryp daýys berdim. Men barǵan kezde halyqtyń qarasy sırekteý edi, biraq ózge ult ókilderiniń belsendiligin baıqadym. Túske qaraı kóshede daýys berýge aǵylyp bara jatqan halyqty kórip qýanyp qaldym. Búkil el bolyp Ata Zańymyzǵa ózgeristerdiń engizilýin bir aýyzdan quptaýymyz kerek. Kúlli álem, zamana ózgeriske bet burǵan kezde bizdiń memleket te, halqymyz da ózgeriske ún qatqanymyz jón. Osy ýaqytqa deıin bizden eshkim qandaı ózgeris kerek, bolashaqqa degen baǵdarymyz qandaı bolý kerek dep suraǵan joq, keńesken emes,  bılik basyndaǵylar óz bilgenin jasady. Endi  mine, elimizdiń bolashaǵyn halyq bolyp birge quratyn ýaqyt keldi. Osyndaıda árkim nemquraılylyq tanytpaı, jaýapkershilikti sezinýi tıis dep esepteımin. «Ata Zańymyzǵa ózgerister engizý qajet pe?» degen saýalǵa «ıá» nemese «joq» dep jaýap berý úshin ýaqytty qıyp, árkim óz azamattyq boryshyn nege oryndamasqa. Erinshektik, nemquraılylyq bizdi qurdymǵa ketiredi. Óıtkeni bul bizdiń ómirimiz, taǵdyrymyz, bolashaǵymyz!