Egý jumystary 1 qyrkúıekten bastalǵan.
Mońǵolıanyń Baıan-Ólgıı aımaǵynda koronavırýsqa qarsy vaksınanyń úshinshi komponentin 1 qyrkúıekten bastap salý qolǵa alyndy, Almaty-akshamy.kz Baq.kz-ke silteme jasap.
Jergilikti MONSAME agenttiginiń habarlaýynsha, Baıan-Ólgıı aımaǵynda vaksınanyń birinshi komponentin alǵan 66499 adam bolsa, ekinshi komponentin alǵandardyń sany 61868 adamǵa jetken.
Al osy aptadan bastap polısıa, tótenshe jaǵdaılar qyzmetkerleri, medısına salasynyń jáne memlekettik qyzmetkerler qatarly qoǵammen tyǵyz baılanystaǵy sala mamandary men 55 jastan joǵarǵy azamattar, sozylmaly syrqaty bar jandar, ekiqabat analardy úshinshi komponentpen vaksınasıalaý bastaldy.
Aımaqtyń densaýlyq saqtaý basqarmasynyń málimetine qaraǵanda qazirdiń ózinde 365 adam Pfizer-BioNTech, Vero Cell qatarly vaksına túrlerin alyp úlgergen.
Mońǵolıa bir jyldaı koronavırýs indetiniń el ishine tarap ketpeýine barlyq jaǵdaıdy jasaǵan bolatyn. Alaıda, qaterli indetti aýyzdyqtap tura almady. Búgingi tańda Mońǵolıa kóleminde 252313 adam vırýs juqtyrǵan.
Al Baıan-Ólgıı aımaǵy boıynsha vırýs juqtyrǵandar sany 7561 adamǵa jetti.
Mońǵolıa boıynsha vaksınanyń birinshi komponentin alǵandar sany 2,2 mıllıonnan assa, ekinshi komponentin 2,1 mln adam alǵan. Bul jalpy halyqtyń 64 paıyzyn quraıdy.