Almatynyń Shymbulaqtaǵy eki qabatty úı 2020 jyldyń qarashasynda Almaly aýdandyq sotynyń úkimimen tárkilengen bolatyn.
Úı «Bank RBK»-dan qarajat urlaý isi boıynsha tárkilendi. Qazirgi ýaqytta bul kotej qaladaǵy Kereı men Jánibek kóshesinde ornalasqan, buryn bul kóshe Gornaıa dep atalatyn, dep habarlaıdy aqshamnews.kz.
Bul úı buryn satylymǵa shyǵarylyp, satyp alýshy da tabylǵan edi. Biraq saýda nátıjeleri joıyldy. Qazirgi ýaqytta úı qaıta saýdaǵa qoıylyp, baǵasy 380 mıllıon teńge dep belgilendi.
Aıta keteıik, bıyl naýryz aıynda «Qazaq Bank-niń» burynǵy aksıoneri Bahyt Ibragım Almatyda óli tabylǵan edi. Polısıa ony ózin-ózi óltirýge jetkizý isi boıynsha qylmystyq is qozǵaǵan bolatyn. Al tamyz aıynda bul is qylmystyq quqyqbuzýshylyq quramy bolmaýyna baılanysty jabylǵany belgili boldy. Ibragım mehanıkalyq asfıksıadan qaıtys bolǵany aıtylǵan.