Qazaqstandyq sulý boksshy Balaýsa Muzdıman Instagram jelisindegi tanymal «Alǵa-Peterbýrg» blogynyń jańa keıipkeri atandy, dep habarlaıdy almaty-akshamy.kz.
Vıdeo avtory sportshynyń hırýrg bolýdy armandaǵynyn, biraq basqa baǵytty tańdap, ataq-dańqqa ıe bolǵanyn aıtty.
«Búgingi kúnniń qaharmany – Balaýsa Muzdıman. Aýyldan shyqqan boksshy nebári bir jyldyń ishinde Qazaqstandaǵy eń tanymal sportshylardyń birine aınaldy! Balaýsa Aqshı aýylynyń týmasy. Bala kezinde uldarmen de jekpe-jekke shyǵyp tóbele bergen soń ákesi ony boıyndaǵy artyq energıany shyǵarý maqsatynda boks seksıasyna jiberedi. Balaýsa Muzdımannyń óte beımaza minezine qaramastan mektepti altyn medalmen bitirgeni tań qaldyrady!
Bilikti hırýrg bolýdy armandaǵan ony taǵdyry boksqa alyp kelip tiredi. Ol Qazaqstan quramasyna úmitkerlerdiń qatarynda, 2024 jyly ótetin Olımpıada oıyndaryna qatysýdy armandaıdy. Ol kásipqoılar arasynda absolútti álem chempıony bolǵysy keledi.
Jalpy, ınstagramdy sulýlyǵymen jaýlap alyp, rıngtegi qarsylastaryna esh múmkindik qaldyrmaıtyn ǵajaıyp qyz! Eń bastysy, ol týǵan jeri Aqshıdyń dańqyn álemge pash etedi!», - dep jazdy «Alǵa Peterbýrg».