2022 jyldyń 1 qyrkúıeginde Memleket basshysy Qasym-Jomart Toqaev Qazaqstan halqyna kezekti Joldaýyn joldaǵan bolatyn. Joldaý bes baǵdarǵa bólinip, ár sala boıynsha atqarylar sharalar saralanyp berilgen. Jer, jol máselesi, áıelderdiń zeınetkerlik jasynyń tómendeýi, bala kútimine arnalǵan járdemaqynyń uzarýy, energetıka, tarıf, aýylsharýashylyǵy salasy, kásipkerlikti qoldaý! Iaǵnı Prezıdent qoǵamnyń barlyq salasyn qamtydy.
Atalǵan Joldaýdyń ekinshi baǵdarynda 2025 jylǵa deıin jergilikti joldardyń keminde 95 paıyzyn jaqsartý jóninde tapsyrma berdi.
Prezıdenttiń el damý úshin jasalatyn qadamdardy naqty aıtýy jurtshylyqtyń kóńilinen shyqty dep oılaımyn. Bir sózben aıtqanda, Joldaý ózindik naqtylyǵymen, uǵynyqtylyǵymen erekshelendi. Biz osy Joldaý mindetteri oryndalyp, turǵyndardyń turmys sapasyn arttyrý, densaýlyq saqtaý sferasyn damytý, ınfraqurylymdy damytý, eldegi tómengi jalaqy máselesin sheshý syndy tegeýrindi basymdyqtar júzege asqan jaǵdaıda eldiń turmysy túzelip, jaǵdaıymyzdyń jaqsaratynyna senemiz.
Memleket basshysy Prezıdet pen Májilis saılaýyn merziminen buryn ótkizýdi usyndy. Sondaı-aq, Prezıdent 1 merzimge qaıta saılaý quqyǵynsyz, 7 jyl merzimge saılanatyn nusqa usynyp, ony Parlament qaraýyna joldady. Óz kezeginde bul saılaýdyń mańyzy óte zor dep sanaımyn, ári strategıalyq ta, saıası da zor mańyzǵa ıe dep bilemin. Sebebi, partıa týraly zańǵa ózgerister engen soń, saıası ádiletti toptardyń el múddesi úshin atqarar isteri de ońaılaı túskeni ras. «Ádiletti Qazaqstan» qurý ádiletti saılaý ótkizýden bastaý alatynyna halyqtyń da senimi mol.
Osy rette qoǵamdyq ómirdiń barlyq salalaryn sıfrlandyrý men avtomattandyrý salyqtan túsken tabystyń ashyq ári adal túrde iske asýyn qamtamasyz etetini anyq. Sonymen birge, aldyńǵy qatarly ozyq ınovasıalyq tehnologıalar jalpy kásiporyndardyń básekege qabilettiligin arttyryp qana qoımaı, el turǵyndarynyń ómir súrý sapasyn jaqsartý úshin de qajet. Bul birinshi kezekte sıfrly órkenıet zamanynda adam kapıtalynyń damýymen tyǵyz baılanysty. Shyn máninde búgingi kúni ǵalamtorǵa qoljetimdiliktiń ósýi saıası aqparat aǵynyn arttyryp, azamattardyń bilim men jańa zaman talabyna saı kásibı sheberlikterdi jappaı ıgerýine jol ashty.
Qazirgi ýaqytta elimizdiń barlyq JOO, jumys oryndary qala berdi bilim ordalarynyń barlyǵy derlik sıfrly saýattylyqqa ıe bola bastady. Osy rette ǵalamtar ǵajaıyptarynyń arqasynda jastarymyz bilimdi, sanaly basqa sheteldiń azamattarymen terezesi teń bolyp kele jatqany jasyryn emes. Bul memleketimizdiń halyqqa jasaǵan úlken qamqorlyǵy desek, artyq aıtpaǵanymyz.
Qazir qarap otyrsaq, óskeleń urpaq gadjetter men kompúterdiń eń sońǵy nusqalararyn sheber meńgergen. Sonyń arqasynda elimiz damyǵan memleketterdiń qatarynda kórinip kele jatqanyn ańǵarýǵa bolady.
Prezıdentimiz álemdik geosaıası jáne ekonomıkalyq ahýaldarǵa mán bere otyryp, tyń sheshimder men tapsyrmalar berdi. Eldegi ekonomıkany, bıznesti júıeleýdi, jer qoınaýy men sý resýrstaryn durys paıdalanýdyń basqa da modelderin qurastyrýdy tapsyrdy. Aldaǵy ýaqytta elimiz ekonomıkasy qarqyndy damyǵan, komýnıkasıalanǵan memleketke aınalatynyna senimimiz mol.
Keleshek urpaqqa ınvestısıalaýdy, memlekettik qyzmettiń jumysyn kúsheıtýdi, kenjelep turǵan tustaryn qaıta jańǵyrtý men jasaqtaýdy qolǵa alyp, ozyq tehnologıalarmen toǵysyp, elimiz órkenıetti, jastarymyz jalyndy bolady degen senimdemin.
Aldaǵy saılaýda barshańyzdy belsendi bolýǵa, el erteńi úshin atsalysýǵa shaqyramyn. Osy Joldaý halyqtyń kóńilinen shyqty dep aıta alamyn. Endigi kezekte bizge aýyzbirshilik mańyzdy. Beıbit elimizdi qurýda barshańyzdy bir bolyp, el ıgiligi jolynda jumys jasaýǵa shaqyramyn. Joldaý bolashaǵymyzdyń irgesin nyqtaýǵa mindetteıdi. Endeshe, qýatty Ádiletti Qazaqstandy birge quraıyq.