Elde birqatar taýar túrleriniń eksporty shektelmek
Qazirdiń ózinde mal men kókónisti syrtqa shyǵarýǵa tyıym salynǵan, dep habarlaıdy Almaty-akshamy.kz 24.kz-ke silteme jasap
Bul baǵytta qolǵa alynyp jatqan isterdi QR Premer-Mınıstriniń orynbasary, Saýda jáne ıntegrasıa mınıstri Baqyt Sultanov málim etti.
Esesine shıkizattyq emes taýardyń eksporty ulǵaıtylady. Bul iste bizdiń tarap Ońtústik-SHyǵys Azıa men Shyǵys Eýropanyń tájirıbesine súıenedi. Úkimet otyrysynda vıse-premer ári Saýda jáne ıntegrasıa mınıstri osylaı dedi.
«Azyq-túlik ınflásıasyn tejeý jáne áleýmettik mańyzǵa ıe taýarlardyń baǵasyn retteý úshin jergilikti atqarýshy organdarmen birlesken sharalar qabyldap jatyrmyz», – dedi Baqyt Sultanov.
Básekelestikti qorǵaý jáne damytý agenttigimen, Ulttyq ekonomıka jáne Aýyl sharýashylyǵy mınıstrlikterimen birge baǵa máselesi qaıta qaraldy.
«Iaǵnı baǵanyń ósýine jol berilmeıdi», – dedi mınıstr.
Saýda komıtetiniń qyzmetin kúsheıtý úshin shuǵyl túrde zańnamalyq bastamalar qolǵa alynady.