B. Saǵyntaev Polısıa departamentine tergeý is-sharalaryn jedeldetýdi tapsyrdy
Jumys sapary barysynda Almaty ákimi Baqytjan Saǵyntaev shabýyl men tonaýǵa ushyraǵan SHOB nysandaryn aralady, dep habarlaıdy Almaty-akshamy.kz.
Qala ákimi satý jáne servıs oryndarynyń ıelerimen, sondaı-aq Promenade, MOSKVA Metropolitan, Asia Park, «12 aı» saýda ortalyqtarynyń basqarýshy dırektorlarymen áńgimelesti. Qalyptasqan jaǵdaıdy talqylaý barysynda jalǵa alýshylar ákimdik Úkimet komısıasymen jáne «Atameken» UKP-men birlesip sheshetin birqatar máseleler qoıdy.
Almaty ákimi bandıtter qurylys quraldaryn basyp alǵan «12 aı» dúkenin aralap kórdi. Saýda ortalyqtaryn, qarý-jaraq dúkenderin, bankterdi tonaýda jáne azamattarǵa shabýyl jasaýda balta, balǵa, ara, tegisteýish jáne basqa da quraldar qoldanyldy.
Sonymen qatar, ákim Das auto servıs TQKS-ni órtengen jerdiń ıelerimen kezdesti, onda klıentterdiń 9 avtokólik órtenip ketken.
Jumys saparynyń qorytyndysy boıynsha B. Saǵyntaev Polısıa departamentine tergeý is-sharalaryn jedeldetýdi tapsyrdy.
SHOB-ke keltirilgen zalaldy baǵalaý jónindegi qalalyq komısıa qalanyń kásipkerler palatasymen birlesip, zalal kólemi men ótemaqy somasyn esepteý tetikteriniń ashyqtyǵyn qamtamasyz etetin bolady.
Qala ákimi Memleket basshysynyń tapsyrmasyna sáıkes shaǵyn jáne orta bızneske qajetti kómek kórsetiletinine sendirdi.
