Almaty ákimi, Nur Otan partıasy qalalyq fılıalynyń tóraǵasy onlaın-formatta qoǵamdyq qabyldaýǵa júgingen almatylyqtardyń saýaldaryna jaýap berdi
Qala turǵyndarynyń saýaldary komýnaldyq sharýashylyqqa, qoǵamdyq kólikke, abattandyrý jáne áleýmettik qoldaýǵa qatysty boldy, dep habarlaıdy Almaty-akshamy.kz
B. Saǵyntaevtyń tapsyrmasy boıynsha «An-Nısa» qoǵamdyq birlestigine qoldaý kórsetiletin bolady. Basshy S. Bashırovanyń aıtýynsha, 4-12 jas aralyǵyndaǵy 90-nan astam kórmeıtin jáne nashar kóretin balalar keshendi damý baǵdarlamasynan tegin ótedi. Jobany jalǵastyrý úshin erekshe bilim berý qajettiligi bar balalardy psıhologıalyq-pedagogıkalyq qoldaý boıynsha memlekettik tapsyrys kózdeletin bolady.
«Dom-Araı» TK-nyń tóraıymy G. Sarnaskaıanyń ótinishi boıynsha "Alataý" shaǵynaýdanyndaǵy kóp páterli turǵyn úıdi ortalyq jylýǵa qosý máselesin sheshý tapsyryldy.
"Qarasý" jáne "Samǵaý" shaǵynaýdandary turǵyndarynyń jol tósemin qalpyna keltirý jáne elektr qýatyn berýdegi irkilisterdi joıý máseleleri jónindegi saýaldary boıynsha sheshim qabyldaý úshin ákimdiktiń jaýapty qyzmetkerleri sol jerlerge baryp, komısıalyq tekserýler júrgizetin bolady.