Bul týraly QR Sybaılas jemqorlyqqa qarsy is-qımyl agenttiginiń resmı Telegram-arnasy málimdedi, dep habarlaıdy Almaty-akshamy.kz.
«Astyq urlaý faktilerin jasyrý úshin para berý áreketi kezinde astyq bazalarynyń burynǵy dırektory men onyń kómekshileri áshkerelendi. Sonymen qatar, jasalǵan qylmysty jasyrý úshin astyq bazalarynyń burynǵy dırektory men onyń seriktesteri para bergeni anyqtaldy. Qazir kúdiktiler sottyń sanksıasymen qamaýǵa alyndy. Sotqa deıingi tergeý júrgizilip jatyr» — delingen habarlamada.
Sonymen qatar, inbusiness.kz. málimeti boıynsha Astana qalasynda qarjy departamentiniń dırektory men «Azyq-túlik korporasıasy» AQ bas menedjerine qatysty tergeý aıaqtaldy. Tergeý barysynda olar bıdaı túrinde taýarlyq nesıe bergeni úshin komersıalyq uıym basshysynan 800 myń teńge somasynda para alǵany anyqtaldy. Aıyptalýshylar sotqa tartyldy.
Arnaıy jedel-izdestirý is-sharalary kesheniniń nátıjeleri boıynsha «Azyq-túlik korporasıasy» AQ Qostanaı oblystyq ókildiginiń dırektory áshkerelendi. Ol JSHS ókilinen 100 myń tonna bıdaı kóleminde taýarlyq nesıe alý máselesin kedergisiz sheshkeni úshin 350 myń teńge somasynda para aldy dep kúdikteledi. Sotqa deıingi tergeý júrgizilip jatyr.