Oǵan elimizdegi aýa raıynyń qolaısyzdyǵy men sý tapshylyǵy tikeleı áser etýi múmkin, dep habarlaıdy aqshamnews.kz
Mamandardyń málimetinshe, bıyl Tán-SHan, Pamır jáne Altaı taýlarynda qar mólsheri ádettegiden áldeqaıda az. Jýrnalıs Kırıll Pavlovtyń sózinshe, bul ózenderdegi sý deńgeıiniń tómen bolatynyn, ásirese eldiń ońtústigi men ońtústik-shyǵysynda eginshilik pen sýarýǵa qatty táýeldi aımaqtar úshin kúrdeli jaǵdaı týyndaıtynyn bildiredi.
2025 jyly Qazaqstanda agroklımattyq jaǵdaı kúrdeli bolady dep kútilýde:
Ońtústikte kóktemde – sý tasqyny, jazda – Syrdarıanyń taıyzdanýy jáne eginshilikke sý jetispeýshiligi.
Soltústikte ylǵaldy kóktemnen keıin shildede ystyq pen qýańshylyq kútiledi – bul jazdyq bıdaıǵa keri áser etedi.
Ortalyq pen batysta – jańbyr az, jaıylymdardyń jaǵdaıy nasharlaıdy, Qaraǵandy oblysynda jazda qýańshylyq bolýy múmkin.
Shyǵysta kóktem kesh túsedi, úsik bolý qaýpi bar, al jazda – sý tapshylyǵy qaıtalanady.
Batys Qazaqstanda jaýyn-shashyn máselesi dástúrli túrde qıyn, 2025 jyly jaqsarý bolmaıdy, jaıylymdar kepti, malǵa azyq tapshylyǵy týyndaıdy.
Kırıll Pavlovtyń pikirinshe, mundaı klımattyq faktorlar dúkenderdegi baǵaǵa tikeleı áser etedi, Sý az – ónim az, ıaǵnı naryqta usynys azaıady, jem-shóp qymbat – jumyrtqa, et, sút te qymbattaıdy.
- Import tapshylyqty tolyqtyrýy múmkin, biraq onyń baǵasy joǵary, ásirese logıstıka qıyn ne valúta baǵamy turaqsyz bolsa. Sýarý, tasymaldaý men saqtaý shyǵyndarynyń artýy da baǵany kóteredi, deıdi Pavlov.
Baǵasy birinshi bolyp qymbattaýy múmkin azyq-túlik túrleri: qarbyz, qaýyn, qyzanaq, burysh, pıaz, kartop, jemis-jıdek, et pen sút ónimderi.
Baǵalar ásirese jaz uzaq ári ystyq bolsa, tamyz aıynan bastap kúrt ósýi múmkin.