Mádenıet almasýy
Memleket basshysy Qasym-Jomart Toqaev Ázerbaıjan Respýblıkasynyń Prezıdenti Ilham Álıevke Sýmgaıt qalasyndaǵy kóshelerdiń birine qazaq halqynyń kórnekti ókili Ahmet Baıtursynulynyń esimi berilgeni úshin alǵys aıtty, dep habarlaıdy Almaty-akshamy.kz Aqordanyń baspasóz qyzmetine silteme jasaı otyryp.
«Sonymen qatar, biz elderimiz arasynda mádenıet qaıratkerleri men delegasıalardy turaqty almasýǵa kelistik. Sýngaıt qalasyndaǵy kóshelerdiń birine qazaq halqynyń kórnekti ókili Ahmet Baıtursynulynyń esimi berilgenine alǵys aıtamyz.
Ahmet Baıtursynov 1926 jyly osy Baký kalasynda ótken birinshi Búkilodaqtyq túrkologtar sezine delegat retinde qatysqan. Bul fakt bizdiń elimiz ben halyqtarymyz arasynda qashan da tyǵyz baılanys bolǵanyn taǵy bir ret dáleldeıdi dep oılaımyn. Kezinde elordamyzdyń bir kóshesine kórnekti memleket qaıratkeri, Ázirbaıjan halqynyń birtýar perzenti Geıdar Álıevtiń esimi berilgen», - delingen Memleket basshysy Qasym-Jomart Toqaevtyń Ázirbaıjan Respýblıkasynyń Prezıdenti Ilham Álıevpen ótken kelissózder qorytyndysy boıynsha BAQ úshin málimdemesinde.