Almatyda «Almaty - bizdiń ortaq úıimiz» naýqany aıasynda Qozy Kórpesh - Baıan Sulý kúnine oraılastyrylǵan aǵash otyrǵyzyldy. İs-shara barysynda aýdan ákimdikteri myńnan astam aǵash otyrǵyzdy, dep habarlaıdy almaty-akshamy.kz
Ekologıa jáne qorshaǵan orta basqarmasy kóshetterdi qamtamasyz etý boıynsha qoldaý kórsetti. Qylqan japyraqty kóshetter, sondaı-aq shaǵan, sánaǵash, qaraǵash, úıeńki, qaraǵan, qaıyń, alma jáne terek berildi.
Atalǵan eko is-shara Almaty qalasynyń barlyq aýdanyn qamtydy: Alataý aýdanynda 30 aǵash, Almaly aýdanynda - 15, Áýezov aýdanynda - 200, Bostandyq aýdanynda - 100, Jetisý aýdanynda - 340, Medeý aýdanynda - 45, Naýryzbaı aýdanynda - 200 jáne Túrksib aýdanynda - 160 aǵash otyrǵyzyldy.
Esterińizge sala keteıik, osy jyldyń 8 sáýiri men 8 mamyry aralyǵynda qalada «Almaty – bizdiń ortaq úıimiz» naýqany jarıalandy. Megapolıstiń árbir turǵynyn ekologıalyq mádenıetti qalyptastyrýǵa baǵyttalǵan is-sharalarǵa qatysýǵa, sondaı-aq ekologıalyq jobalardy qoldaýǵa shaqyramyz.
Tolyq aqparat almaty.kz saıtynda jáne Almaty ákimdiginiń áleýmettik jelilerinde jarıalanǵan.
