Abaı ýnıversıteti Azıadaǵy úzdik ýnıversıtetiniń 20%-na kirdi
2022 jyldyń 8 qarashasynda QS World University Rankings: Asia 2023 halyqaralyq reıtıńiniń nátıjeleri jarıalandy, onda Abaı ýnıversıteti 760 qatysýshynyń arasynda 147-shi oryndy ıelenip, Azıadaǵy úzdik ýnıversıtetiniń 20%-na kirdi. Abaı ýnıversıteti laıyqty nátıje kórsetip, Azıanyń top-100 ýnıversıtet quramyna jaqyndady, - dep habarlaıdy almaty-akshamy.kz
Azıa ýnıversıtteriniń órkendeýi jáne jahandyq bilim berý keńistiginiń shetki bóliginen ortalyǵyna aýysýy - qazirgi zamannnyń mańyzdy oqıǵalarynyń biri. Eger 2022 jyly Qazaqstan QS EECA University Rankings - Eýropa men Ortalyq Azıanyń damýshy elderi sheńberinde baǵalansa, bıylǵy jyly alǵash ret Azıanyń barlyq elderi Japonıa, Qytaı, Ońtústik Koreıa, Ońtústik-SHyǵys Azıa elderin qosa alǵanda, bir iri mega-aımaqqa biriktirilip, álemdik arenadaǵy joǵary bilim berý júıesi boıynsha básekege qabilettiligi baryn kórsetti. Bul reıtıńke Qazaqstannan 32 joǵary oqý orny qatysty. Pekın ýnıversıteti, Sıngapýr ulttyq ýnıversıteti, Sınhýa ýnıversıteti (Qytaı) osy úsh ýnıversıtet Azıa reıtıńinde kósh bastap, alǵashqy úsh oryndy ıelendi.
Ortalyq Azıa aımaǵynda qazaqstandyq joǵary oqý oryndary senimdi kósh bastap keledi: ál-Farabı atyndaǵy QazUÝ, L.N. Gýmılev atyndaǵy Eýrazıa ulttyq ýnıversıteti jáne Sátbaev atyndaǵy ýnıversıtet, olardan keıin Abaı atyndaǵy QazUPÝ tórtinshi orynda. Eń jaqyn kórshi elderden Ortalyq Azıadaǵy Amerıka ýnıversıteti (Qyrǵyzstan), Tashkent ırrıgasıa jáne aýyl sharýashylyǵyn mehanıkalandyrý ınjenerleri ınstıtýty (Ózbekstan) jáne Tájikstan ulttyq ýnıversıteti (Tájikstan) usynylǵan. Ortalyq Azıa óńirlik reıtıńin Qaraqalpaq memlekettik ýnıversıteti, Qazaq ulttyq qyzdar pedagogıkalyq ýnıversıteti jáne Nızamı atyndaǵy Tashkent memlekettik pedagogıkalyq ýnıversıteti jaýyp otyr.
QS reıtıńiniń ádistemesi «akademıalyq bedel», «jumys berýshi arasyndaǵy bedel», «POQ men stýdentterdiń sanynyń araqatynasy», «PhD dárejesi bar qyzmetkerler», «maqalaǵa dáıeksózder», «jarıalanymdar sany», «halyqaralyq zertteý baılanystary», «sheteldik POQ men stýdentterdiń úlesi», sondaı-aq «akademıalyq utqyrlyq (kiris jáne shyǵys)» sıaqty negizgi kórsetkishterdi taldaýǵa negizdelgen. Olardyń ishinde úsh ındıkator boıynsha ýnıversıtet reıtıńte óte joǵary oryndarǵa ıe boldy.
«Sheteldik POQ úlesi» ındıkatory boıynsha úzdik nátıje kórsetip, reıtıńtiń 61 ornyna ıe boldy, bul kóbinese sheteldik ǵalymdarmen, ásirese Sorbonna-Qazaqstan ınstıtýtynyń qyzmeti aıasynda damyǵan yntymaqtastyqqa baılanysty.
«Oqytýshylar quramynyń bilim alýshylar sanyna qatynasy» kórsetkishi boıynsha 79 orynda. Bul kórsetkish ýnıversıtettiń sapaǵa degen umtylysynyń janama dáleli bolyp tabylady jáne shtattyq oqytýshylardyń júz stýdentke qatynasyn baǵalaıdy. Oqytýdy, tálimgerlikti, oqý baǵdarlamalaryn ázirleýdi qamtıtyn bilim berý prosesinde jumys isteıtin akademıalyq resýrs neǵurlym kóp bolsa, oqý sapasy da soǵurlym joǵary bolady.
Jahandyq akademıalyq keńistikte ýnıversıtettiń turaqtylyǵy men tanylýyn kórsetetin mańyzdy kórsetkish «akademıalyq bedel» kórsetkishi boıynsha QS sarapshylar qaýymdastyǵy tarapynan oń baǵalanyp, 84-orynǵa ıe bolǵanyn aıta ketken jón. Ony baǵalaý Scopus derekter bazasynda ındeksteletin halyqaralyq jýrnaldarda jarıalanymdary bar bedeldi ǵalymdar arasynda júrgizilgen saýalnama ádisin qoldanýǵa negizdelgen. Bıylǵy jyly zertteý komponenti boıynsha álemniń jetekshi ýnıversıtetterin anyqtaý úshin álemniń túkpir-túkpirinen 150 myńnan astam ǵalymnyń pikiri eskerildi.
Eki sanat boıynsha «Akademıalyq almasý (shyǵys utqyrlyq)» jáne «jumys berýshiler arasyndaǵy bedel» sáıkesinshe biz 133 jáne 138 pozısıalardy ıelendik. Akademıalyq utqyrlyqty damytý ýnıversıtetti ınternasıonaldandyrý kórsetkishteriniń biri jáne bilim alýshylarǵa halyqaralyq bilim berý keńistigine kirigýine múmkindik beredi. Aldaǵy ýaqytta biz shyǵys akademıalyq utqyrlyqty jetkilikti qarjylandyrý máselelerine nazar aýdaryp, onyń kórsetkishterin arttyrýǵa umtylýymyz kerek. Abai University jumys berýshiler arasynda bedeli artyp kele jatqanyn bilemiz, bul eń aldymen pedagogıkalyq mamandyqtardy bitirýshilerge degen suranystan kórinedi, bul óz kezeginde beriletin bilimniń sapasyn aıǵaqtaıdy. Búgingi tańda ýnıversıtet túlekteri elimizdiń eń shalǵaı buryshtarynda da, sondaı-aq iri qalalarda jáne kórshiles Ortalyq Azıa elderinde de qyzmet etýde.
Ýnıversıtettiń ǵylymı-zertteý qyzmeti sońǵy jyldary turaqty ósý dınamıkasyn kórsetip kele jatqanyna bárimiz kýámiz. Impakt-faktory men paıyzdyq kórsetkishi joǵary halyqaralyq jýrnaldardaǵy jarıalanymdar, sondaı-aq olardyń dáıeksózderi artyp keledi. Ǵylymı ónimdilik, ýnıversıtet ónimdiligi aıtarlyqtaı ósti, ǵylymı baılanystar belsendi túrde damyp keledi. Jıyntyq ǵylymı kórsetkishter boıynsha alynǵan oryn 301+ sáıkes keledi. Bul pozısıa damýdyń bolashaq vektoryn kórsetedi - halyqaralyq ǵylymı baılanystar bizdiń ósý núktemizge aınalady.
Abaı ýnıversıteti alǵash ret QS Asia University Rankings 2023 reıtıńine qatysyp, álemdik joǵary bilim berý júıesinde óziniń ornyqty deńgeıin aıqyndady.
Osyny negizge ala otyryp, aımaqtyq jáne Ortalyq Azıa deńgeıinde ýnıversıtet jańa formasıadaǵy oqytýshylardy daıarlaı otyryp, pedagogıkalyq bilim berýdiń kóshbasshysy bolý jónindegi strategıalyq kózqarasyn júzege asyrdy. Qazaqstan deńgeıinde ýnıversıtet ustazdyq bilimniń daýsyz flagmany bolyp tabylady. Reıtıń nátıjelerin taldaý QS Asia ýnıversıtetteriniń kúshti jáne álsiz jaqtaryna negizdelip, ýnıversıtet halyqaralyq reıtıńte kórsetkishterdi odan ári jetildirý jáne ilgeriletý úshin júıeli jáne josparly túrde jumys isteý kerektigin aıqyndady.