Azıa oıyndarynda el namysyn qansha sportshy qorǵaıdy?

Avtor Almaty-akshamy.kz.
10:37, 21 qyrkúıek 2023

Sýret: ashyq derekkóz

Týrızm jáne sport mınıstrligi Qytaıdyń Hanchjoý qalasynda ótetin 19-shy Azıa oıyndaryna Qazaqstannan 525 sportshy qatysatynyn málimdedi, dep habarlaıdy Almaty-akshamy.kz.

Bizdiń sportshylar 30 sport túrinen 305 medaldi sarapqa salady. Aıta keteıik, Qazaqstan quramasy Azıa oıyndaryna 1994 jyldan beri segizinshi ret qatysyp keledi.

«Qazaqstan Hanchjoýǵa sporttyń 30 túrinen 525 sportshyny jetkizedi. Onyń 27-si Olımpıada baǵdarlamasyna engen, qalǵan úsheýi olımpıadalyq emes sport túrleri. Sonymen qatar, aldaǵy jarysta olar Parıj Olımpıadasyna joldama alady. 8 sport túri boıynsha. Olar: boks, sadaq atý, zamanaýı bessaıys, júzý, breık, dopty hokeı, tenıs jáne jeńil atletıka. Sporttyń 4 túrinen reıtıńtik upaılar oıynyna qatysady. Olar: thekvondo, dzúdo, trıatlon, badmınton»,- dep málimdedi Týrızm jáne sport mınıstrligi.

Sonymen qatar, departament Azıa oıyndarynda júldeli oryn alǵan sportshylar men olardyń jattyqtyrýshylaryn aqshalaı yntalandyrý kólemin buǵan deıin jarıalaǵan bolatyn.

Atap aıtqanda, Azıa oıyndarynyń chempıony atanǵan sportshy 10 myń AQSH dollary kóleminde aqshalaı syıaqy alady. Al altyn medal ıegerin jarysqa daıyndaǵan bapker – 5 myń AQSH dollary. Qurlyq birinshiliginiń kúmis júldegeri 5 myń AQSH dollary, bapkeri 3 myń AQSH dollary kóleminde syıaqy alady. Sondaı-aq qola medal jeńip alǵan komandalyq sportshyǵa 3000 AQSH dollary kóleminde aqshalaı yntalandyrý jáne onyń jattyqtyrýshysy úshin 2000 dollar syıaqy qarastyrylǵan.

«Habar 24» arnasynyń habarlaýynsha, Qazaqstan quramasy Qytaıdyń Hanchjoý qalasyna kelip úlgergen. Beısenbi kúni Qazaqstan týyn kóterý rásimi, senbi kúni oıyndardyń resmı ashylýy bolady dep kútilýde.

Buryn habarlanǵandaı, Azıa oıyndarynyń ashylý saltanaty 23 qyrkúıekte Olımpıadalyq sport ortalyǵynyń stadıonynda ótedi. Jarysqa qurlyqtyń 45 elinen 15 myńnan astam sportshy qatysady. Olar sporttyń 40 túrinen 481 medal jıyntyǵyn sarapqa salady.