Jedel túrde alynǵan málimetterge qaraǵanda, kúdikti Abaı dańǵyly men Altynsarın kóshelerinde ilip, esirtki zattaryn jarnamalap, nasıhattap júrgen, dep habarlaıdy Almaty-akshamy.kz.
«Bizdiń bólimshe qyzmetkerleri qalalyq prokýratýranyń úılestirýimen “Qarasora – 2023” is-sharasy aıasynda 44 jastaǵy J.esimdi azamatty ustady. Odan esirtki dúkeniniń siltemesi men jazýy bar 30 broshúra tabyldy. Kúdiktiniń turǵylyqty jerinen 205 dana osyndaı japsyrmalar tárkilendi. Árbir habarlandyrý úshin “jarnama ilýshi” aqshalaı syıaqy nemese sıntetıkalyq esirtkiniń belgili bir mólsherin alatyny belgili boldy. Qaskóıdiń áreketi QR QK-niń 299-baby 1-bóligi boıynsha saralanady. Bul baptyń sanksıasynda 3 jylǵa deıingi merzimge bas bostandyǵynan aıyrý túrindegi jaza qarastyrylǵan», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.