Qytaıdyń Hanchjoý qalasynda ótetin HİH jazǵy Azıa oıyndarynda shahmattan el namysyn qorǵaıtyn ulttyq qurama músheleri anyqtaldy, dep habarlaıdy Almaty-akshamy.kz.
Dúbirli doda 23 qyrkúıek pen 8 qazan aralyǵynda ótkiziledi. El quramasy sapyndaǵy 10 sportshy jekeleı synda rapıd, komandalyqta klasıkalyq shahmattan synǵa túsedi.
Jekeleı synda erler arasynda Rınat Jumabaev pen Qazybek Nógerbek synǵa tússe, áıelder arasynda Jansaıa Ábdimálik pen Bıbisara Asaýbaeva júldeni sarapqa salady.
Komandalyq básekede Álisher Súleımenov, Ramazan Jalmahanov, Aldıar Ańsat, Rınat Jumabaev pen Qazybek Nógerbek qarsylastarymen sheberlik baıqasady.
Sondaı-aq áıelder arasynda Dınara Sádýaqasova, Merýert Kamalıdenova, Alýa Nurmanova, Bıbisara Asaýbaeva men Jansaıa Ábdimálik sheberlik baıqasady.
Azıa oıyndary baǵdarlamasyna alǵash ret shahmat 2006 jyly Katar astanasy Dohada bedeldi básekede engizilgen. Sol joly blıs túrinen Murtas Qajyǵalıev chempıon atandy.