Qazaqstan ulttyq quramasy tenısten Devıs kýboginiń pleı-off kezeńine daıyndyqty bastady, dep habarlaıdy Almaty-akshamy.kz.
Qazaqstan tenıs federasıasynan málim etkendeı, qazaqstandyqtar 16-17 qyrkúıekte Sofıada Ulttyq tenıs ortalyǵynyń topyraq tósenishinde Bolgarıamen pleı-off machyn ótkizedi.
Komanda kapıtany Iýrıı Shýkınniń bastaýymen Aleksandr Býblık, Tımofeı Skatov, Mıhaıl Kýkýshkın, Andreı Golýbev jáne Aleksandr Nedovesov qazir jattyǵý ústinde.
Bul qos qurama arasyndaǵy alǵashqy kezdesý bolmaq. Osyǵan deıin Bolgarıa komandasy Devıs kýboginiń fınaldyq kezeńine eshqashan shyǵyp kórmegen.
«Bolgarıa quramasynyń kóshbasshysy Grıgor Dımıtrovtyń qatysatyny jóninde naqty aqparat joq. Ázirge ol tizimde joq, biraq 15 qyrkúıek kúngi jerebege deıin quramǵa engizilýi múmkin. Devıs kýbogi – komandalyq jarys. Munda reıtıń onsha ról atqarmaıdy. Dımıtrovsyz da Bolgarıada jaqsy tenısshiler bar, onyń ústine olar óz jankúıerleriniń kóz aldynda oınaıdy. Sondyqtan ońaıǵa túspeıdi. Degenmen komandalyq álem chempıonatynyń irikteý kezeńine shyǵý úshin bizge qalaıda jeńis kerek», - dedi Qazaqstannyń ekinshi raketkasy Tımofeı Skatov.
16 qyrkúıek kúni jekeleı synda eki báseke ótedi. 17 qyrkúıekte bir juptyq, taǵy eki jekeleı kezdesý oınalady. Mach jeńimpazy aldaǵy jyldyń aqpanynda Devıs kýboginiń fınaldyq kezeńine joldama alý úshin synǵa túsedi.