12 shildede kúres túrlerinen 15 jáne 20 jasqa deıingi jasóspirimder men jastar arasynda Azıa chempıonaty jalaýyn kóterdi.
QR Kúres federasıasy baspaóz qyzmetiniń jetekshisi Aspandıar Esenjolovtyń aıtýynsha, jarystyń alǵashqy kúninde boz kilemge grek-rım kúresinen 15 jasqa deıingi jasóspirimder shyqty. Olardyń arasynan qazaqstandyq balýandar 3 altyn, 2 kúmis jáne 3 qola aldy.
El quramasynan Dıas Maratov (48 keli), Dosbol Shámil (57 keli) jáne Ábilmansur Ahalbek (68 keli) jeńimpaz tuǵyryna kóterildi. Al Márlen Meıirbekuly (62 keli) men Aıanbek Ibraev (85 keli) kúmis alsa, Sultan Máýlithanov (38 keli), Suńqar Zarap (44 keli) jáne Damır Aqan (52 keli) úzdk úshtikti túıindedi, -dep jazdy QazAqparat.
Endi búgin qyzdar saıysqa tússe, erteń erkin kúres sheberleri júldelerdi sarapqa salady.
