Elordada 4-7 tamyz kúnderi ótetin dzúdodan Azıa birinshiligine qatysatyn qazaqstandyq sportshylar belgili boldy, dep habarlaıdy Almaty-akshamy.kz Inform.kz-ke silteme jasap.
Qurlyqtyq dodaǵa Azıanyń 19 elinen 200-den astam balýan keledi dep kútilýde. Sportshylar 14 salmaqta synǵa túsedi. Olardyń qatarynda elimizdiń atynan qatysatyn 18 balýan bar.
Erler arasynda Maǵjan Shamshadın (60 keli), Baýyrjan Narbaev (60 keli), Ǵusman Qyrǵyzbaev (66 keli), Erlan Serikjanov (73 keli), Danıar Shamshaev (73 keli), Dıdar Hamza (90 keli), Nurlyhan Sharhan (100 kelige deıin), Islam Bozbaev (100 kelige deıin), Ádil Orazbaev (100 keliden joǵary) tatamı tórinde taıtalasqa túsedi.
Al áıelderde Abıba Ábýjakınova (48 keli), Ǵalıa Tynbaeva (48 keli), Gaýhar Irmagambetova (52 keli), Sevara Nıshanbaeva (57 keli), Prozrachnaıa Narynova (63 keli), Anastasıa Maıakova (70 keli), Arýna Jangeldına (78 kelige deıin), Kamıla Berlıkash (78 keliden joǵary), Nazgúl Maratova (78 keliden joǵary) jarys jolyna shyǵady.
Aıta ketsek, IJF erejesi boıynsha, Azıa chempıonatynyń jeńimpazdary men júldegerlerine Olımpıadalyq reıtıńte upaı sandary qosylady.
Atap aıtqanda, jeńimpaz 700 upaıdy enshilese, 2 oryn ıegeri 490, al 3 orynǵa 350 upaıdan úlestiriledi.
Eske salsaq, áıelder kúresinen álem chempıonatynda Qazaqstan «qola» aldy.