Qazaqstandyq jekpe-jek sheberi Fırýza Sharıpova aralas jekpe-jektegi alǵashqy kezdesýin ótkizdi, dep habarlaıdy Almaty-akshamy.kz Inform.kz-ke silteme jasap.
Ol Almatyda MMA-den Octagon 33 týrnırine qatysyp, reseılik Karına Ondasynovamen (2-0) rıngige shyqty. Jekpe-jek 63,5 kg salmaqta ótti.
Úsh raýndqa josparlanǵan kezdesý birinshi raýnda Farızanyń qylqyndyrý ádisin qoldanýymen aıaqtaldy. Osylaısha jerlesimiz MMA-degi alǵashqy jeńisine qol jetkizse, reseılik sportshy qyz alǵash ret jeńilis taýyp otyr.
Fırýza Sharıpova boksta da óner kórsetip júr. Jeke rekordy — 14-2, 8 KO. Ol boksta jeńil salmaqta IBA jáne WBU nusqalary boıynsha álem chempıony ataqtaryn jeńip alǵan.