14 azamat Ázerbaıjannan, ushaq patynan zardap shekkender Qazaqstannyń Aqtaý qalasynan óz Otanyna attandy. Olardyń ishinde eki bortserik pen bir bala da bar, dep habarlaıdy aqshamnews.kz
Mańǵystaý oblysy ákimdiginiń baspasóz qyzmetiniń habarlaýynsha, zardap shekkender Aqtaý qalasyndaǵy aýrýhanada qajetti medısınalyq kómek aldy. Dárigerler olardyń jaǵdaıyn turaqtandyryp, emdelgennen keıin olar óz elderine, Baký qalasyna attandy.
Ázerbaıjan azamattaryn shyǵaryp salý rásimine Mańǵystaý oblysy ákiminiń orynbasary Tilegen Ábishev, Aqtaý qalasynyń ákimi Ábilqaıyr Baıpaqov, sondaı-aq Qazaqstan halyqtary Assambleıasy músheleri, aqsaqaldar, jastar jáne jergilikti qoǵam ókilderi qatysty. Mańǵystaýlyqtar ózderiniń baýyrlas elge degen janashyrlyǵyn bildirip, jyly lebizderin joldady.
Aıta ketý kerek, dál qazirgi ýaqytta Mańǵystaý oblysynyń aýrýhanasynda taǵy alty adam emdelýde. Olardyń tórteýi aýyr jaǵdaıda bolsa, qalǵan ekeýiniń jaǵdaıy ortasha aýyrlyqta.
Bul oqıǵa Qazaqstan men Ázerbaıjan arasyndaǵy yntymaqtastyqtyń taǵy bir kórinisi bolyp tabylady. Mańǵystaýlyqtar osy tragedıaǵa baılanysty baýyrlas elge ózderiniń barlyq qajetti kómek kórsetýin jalǵastyrýda. Olardyń densaýlyǵynyń jaqsarýy jáne úıine oralýy — eki eldiń arasynda tyǵyz baılanys pen janashyrlyqtyń sımvoly bolyp tabylady.