Jeltoqsan kóterilisine arnalǵan kitap jaryq kórdi
«Jeruıyq» qoǵamdyq birlestiginiń uıymdastyrýymen QR Prezıdentiniń BAQ salasyndaǵy syılyǵynyń laýreaty, Memlekettik «Daryn» jastar syılyǵy men Qazaqstan Jastar Odaǵy syılyǵynyń ıegeri, QR Mádenıet qaıratkeri, alashtanýshy ǵalym, pýblısıs, fılosofıa ǵylymdarynyń kandıdaty Bolatbek Tólepbergenniń «Azattyq ańsaǵan» atty kitabynyń tusaýkeseri ótti, dep habarlaıdy Almaty-akshamy.kz.
Avtor «Azattyq ańsaǵan» derekti hıkaıatynda 1986 jylǵy Almaty qalasyndaǵy Jeltoqsan kóterilisin uıymdastyrýshylardyń biri - Qurmanǵazy Aıtmurzaev týrasynda oı tolǵaıdy. Sol kezdegi Almaty qalasyndaǵy Teatr jáne kórkemsýret ınstıtýtynyń stýdenti Qurmanǵazy Aıtmurzaevtyń kezinde repressıaǵa ushyraǵan atasy týrasynda, óziniń dostarymen birge Jeltoqsan kóterilisin tikeleı uıymdastyryp, túrmeniń kermek dámin tatqany jaıynda jáne odan keıingi kezde azamattyq ustanymyn kórsetken qaısar azamattyń taǵdyry týraly syr shertedi. Sondaı-aq avtor Jeltoqsan kóterilisine qatysty maǵlumattardy da naqty derektermen dáıekteıdi, jeltoqsandyq qaharman keıipkeriniń bolmysyn ashýǵa umtyla otyryp, Jeltoqsan kóterilisiniń beımálim qyrlaryn baıandaıdy.
Eńbek jalpy tarıhshylarǵa, repressıa taqyrybyna, Jeltoqsan kóterilisine qyzyǵýshylyq tanytqan barsha oqyrmanǵa, qalyń qaýymǵa, jastarǵa, joǵary oqý oryndarynyń stýdentterine arnalǵan. Avtor tarıhı aqtańdaqtar máselesin búgingi kózqaras turǵysynan jiti saralaǵan, jete zerttegen. Kitap keıipkeriniń taǵdyr talaıy men taǵylymynan jurtshylyqqa, ásirese jastarǵa alar tálim jeterlik. Kitap qarapaıym tilmen jazylǵan.