Jumyspen qamtylmaǵan jastarǵa arnalǵan «Akselerator» jobasynyń 50 qatysýshysy óz jobalaryn iske asyrýǵa memlekettik granttar aldy
Almaty qalasy ákimdiginiń qoldaýymen aǵymdaǵy jyldyń 9 jeltoqsanynda «Almaty Resort» shıpajaıynda jumyssyz jastarǵa arnalǵan «Jas Camp Almaty» jastar lageri – «Akselerator» jobasynyń elý fınalısine 1 mln. teńge kóleminde memlekettik granttar saltanatty túrde tabys etildi, dep habarlaıdy Almaty-akshamy.kz.
Bul joba bıznesti basqarý salasynda jańa bilim alý arqyly, jobalardyń ósýin jáne olardy iske asyrý úshin qajetti resýrstardy tabý arqyly qalanyń jumyspen qamtylmaǵan jastaryn qoldaýǵa baǵyttalǵan.
Atalǵan is-sharany uıymdastyrýshy - «Almaty qalasy jastar saıasaty basqarmasy KMM.
Jobaǵa 1000-ǵa jýyq «jumyssyz» mártebesinde tirkelgen jastar qatysty, olardyń 100-i 5 kún ishinde «Almaty Resort» kesheniniń bazasynda bilikti tálimgerler men jattyqtyrýshylardan sheberlik saǵatynan ótti. Oqytý barysynda jańa bastaǵan kásipkerlerge qajetti daǵdylar men kásipterdi úırenýge, qoǵamdaǵy táýelsiz ómirge beıimdelýge jáne ózin-ózi júzege asyrýǵa paıdaly daǵdylardy ıgerýge erekshe nazar aýdaryldy.
Baıqaý negizinde 50 jas óz ıdeıalaryn júzege asyrý úshin grant aldy.