Qazaqstan Respýblıkasy Memlekettik qyzmet isteri agenttiginiń Almaty qalasy boıynsha departamentine azamat G.V.Lı atynan senimhat boıynsha áreket etetin O.S.Tájibaeva 2014 jyldan beri jer ýchaskesine quqyq belgileıtin qujattardy resimdeı almaı kele jatqany týraly shaǵymdanady.
Ol 2011 jyly jerdi satyp alǵany týraly mámileni zańdy túrde notarıaldy resimdep, ony ýákiletti organda tirkeı otyryp, Almaty oblysynda jer ýchaskesin satyp alǵan. Araǵa úsh jyl salyp, ıaǵnı 2014 jyly Prezıdenttiń №789 Jarlyǵymen Almaty qalasynyń shekaralarynyń keńeıýine baılanysty atalǵan jer ýchaskesi Almaty oblysynan Almaty qalasyna qosylǵany belgili. Mine dál sol kezde qarjylyq qıyndyqtar men múmkindiktiń bolmaýyna baılanysty jer qujattaryn qaıta resimdeı almaıdy.
Keıinirek, 2023 jyly kórsetiletin qyzmetti alýshy jer ýchaskesine memlekettik aktini odan ári alý maqsatynda jerge ornalastyrý jobasyn bekitý úshin Almaty qalasynyń jer qatynastary basqarmasyna júginedi. Alaıda ol aqparattyq júıede jer ýchaskesiniń menshik ıesi týraly málimetterdiń joqtyǵyna silteme jasaı otyryp, memlekettik qyzmet kórsetýden bas tartty.
2024 jyly departamentke ótinish bildirgen soń, departament ótinish berýshiniń quqyqtaryn qalpyna keltirý boıynsha sharalar qabyldady.
Ótinishti qaraý qorytyndysy boıynsha departamenttiń usynýymen burynǵy oblystyq memlekettik aktisi bar jer ýchaskesine Almaty qalasynyń Qalalyq josparlaý jáne ýrbanıstıka basqarmasynda jańa mekenjaı beriledi. Osyǵan sáıkes Almaty qalasynyń «Azamattarǵa arnalǵan úkimet» MK KEAQ fılıalynda aqparattyq júıelerde tıisti túzetý jasalynady.
Keıinnen Almaty qalasy «Azamattarǵa arnalǵan úkimet» MK KEAQ fılıalynyń Jyljymaıtyn múlik basqarmasynda jyljymaıtyn múlikke quqyqtardy tirkeý júrgizilgen.
Júrgizilgen jumystyń qorytyndysy boıynsha aqparattyq júıege jer ýchaskesiniń menshik ıesi týraly aqparat engizilip, Almaty qalasynyń Jer qatynastary basqarmasy jerge ornalastyrý jobasyn bekitedi. Osylaısha qyzmetti alýshyǵa jer ýchaskesine jańa memlekettik aktini alýǵa odan ári quqyq berdi.
Nátıjelerge qanaǵattanǵan qyzmetti alýshy departamentke uzaq merzimdi problemany sheshkeni jáne onyń buzylǵan quqyqtaryn qalpyna keltirgeni úshin alǵys bildirdi.
.