Bul jaıly QR Premer-Mınıstri Álıhan Smaıylov aıtty.
Azamattar tirkeý ornyn aýystyrǵan kezde avtomatty túrde áskerı esepke qoıylatyn bolady. Senat depýtattarynyń saýalyna jaýap bergen QR Úkimet basshysy Álıhan Smaıylov osylaı dep málimdedi, dep habarlaıdy Almaty-akshamy.kz QazAqparatqa silteme jasap.
«Jergilikti áskerı basqarý organynyń jeke tulǵalardyń memlekettik derek bazasymen ıntegrasıalaý esebinen azamattardy áskerı esepke qoıý jáne odan shyǵarý jónindegi memlekettik qyzmet el ishinde oryn aýystyrý kezinde sıfrlyq formatta kórsetiledi. Áskerı esepke alý orny týraly málimetter paıdalanýshynyń jeke kabınetinde kórsetiledi. Qazirgi ýaqytta Qorǵanys mınıstrligi Sıfrlyq damý, ınovasıalar jáne aeroǵarysh ónerkásibi mınıstrligimen birlesip, azamattar tirkeý ornyn aýystyrǵan kezde, avtomatty túrde áskerı esepke qoıýdy iske asyrý jáne osy kórsetiletin qyzmetti Memlekettik kórsetiletin qyzmetter tiziliminen alý boıynsha is-sharalar qabyldaýda», – dep atap ótti Álıhan Smaıylov jaýabynda.