Áskerı ınfraqurylym obektileri paıdalanýǵa berildi
Lýgovoı garnızonynda 400-den astam áskerı qyzmetshi sıatyn úsh kazarmadaǵy jóndeý jumystary aıaqtaldy
Qorǵanys mınıstriniń tyl jáne áskerı ınfraqurylym jónindegi orynbasary, general-leıtenant Muhamedjan Talasov Jambyl oblysyndaǵy áskerı nysandarda júrgizilgen jumystardyń sapasyn tekserdi, dep habarlaıdy Almaty-akshamy.kz.
Sapar barysynda vedomstvo basshysynyń orynbasary jóndeý júrgizilgen ǵımarattar men úı-jaılardy paıdalanýǵa qabyldaý jónindegi jergilikti komısıalardyń qorytyndylarymen tanysty. Búginde Lýgovoı garnızonynda 400-den astam áskerı qyzmetshi sıatyn úsh kazarmadaǵy jóndeý jumys aıaqtaldy. Sondaı-aq, qazandyq, monsha-kir jýý kesheni men úsh turǵyn úı tolyqtaı jóndeýden ótkizildi.
Jýaly aýdanynda aýdandyq paıdalaný bólimi jóndeý-qalpyna keltirý vzvodynyń kúshimen áskerı tehnıka men materıaldyq quraldardy saqtaýǵa arnalǵan eki angar turǵyzyldy. Budan ózge 100 oryndyq asqananyń aǵymdaǵy jóndeýi aıaqtaldy.
- Áskerı ınfraqurylymdy jetildirý - qorǵanys vedomstvosynyń mańyzdy mindetteriniń biri. Keń jáne yńǵaıly kazarmalar men asqanalar, áskerı qalashyqtardyń úzdiksiz jumys isteıtin turǵyn úı-kommýnaldyq sharýashylyǵy áskerı qyzmetshilerdiń jaıly qyzmeti men ómiriniń negizi ǵana emes, sonymen qatar jeke quramnyń jaýyngerlik daıyndyǵynyń mańyzdy faktory bolyp tabylady, – dep atap ótti tekserý barysynda general-leıtenant Muhamedjan Talasov.
Taıaý kúnderi birqatar garnızondarda jóndeý jumystary aıaqtalatyn nysandar paıdalanýǵa berilmek