Senat jumysy qalaı jandanatyny túsindirildi
QR Parlament Senatynyń tóraǵasy Máýlen Áshimbaev QR Prezıdent teleradıo keshenine bergen suhbatynda 5 maýsymda ótetin referendýmǵa shyǵarylǵan Konstıtýsıalyq Sot týraly normalardyń mańyzyna toqtaldy. Senattyń jumysyn qalaı jandandyratynyn túsindirdi, dep habarlaıdy Almaty-akshamy.kz QazAqparat-qa silteme jasap.
«Konstıtýsıalyq reformanyń aıasynda memleket pen qoǵamnyń arasyndaǵy qarym-qatynastyń jańa kezeńi ashylyp jatyr dep aıtsaq artyq bolmaıdy. Mysaly, naqty normalardy aıtaıyq. Búginde azamattar memlekettik organdardyń buıryqtaryna nemese zań normalaryna, memlekettiń naqty bir sheshimderine narazy bolsa, ol normalar múddemizge qaıshy keledi degen pikir týyndap jatsa, jalpy ótinishter sıaqty sotqa berý kerek. Iaǵnı, prosedýrasy uzaq. Qazir osy reformalardyń aıasynda Konstıtýsıalyq Sot qurylyp jatyr», - dedi Senat tóraǵasy.
Senat spıkeriniń aıtýynsha, jalpy usynylyp otyrǵan konstıtýsıalyq reforma halyq pen bılik arasyndaǵy qarym-qatynastyń jańa formatyna jol ashpaq.
«Konstıtýsıalyq Sottyń negizgi fýnksıasy azamattardyń bılik ókilderiniń sheshimderine narazylyǵyna sot retinde baǵasyn berý, sheshim qabyldaý. Osyndaı basqa da kóptegen normalar bar», - dedi Máýlen Áshimbaev.