Basynan daý arylmaǵan Azamat Satybaldy Sháken Aımanov atyndaǵy "Qazaqfılm" AQ prezıdenti qyzmetinen bosatyldy.
Akterdiń ózi Qazaqfılm” kınostýdıasymen kelisimshartty uzartqysy kelmegenin aıtqan, dep habarlaıdy aqshamnews.kz
Ol kınostýdıanyń basshylyǵyna 2023 jyldyń shilde aıynda kelgen edi. Osy bir jyldyń ishinde "Qazaqfılmniń" basynan qıqý ketpedi. Parlamentte kıno salasyndaǵy búdjettiń tıimsiz ıgerilýi synalǵan edi. 2016-2022 jyldary Qazaqfılmge kıno shyǵarýǵa jáne prokattaýǵa 14,5 mlrd teńge bólingenimen, onyń 4,8 paıyzy ǵana aqtalǵan.
Buǵan qosa osydan birneshe kún buryn "Altyn adam" týyndysynyń anımatorlary jeti aıdan beri jalaqy almaǵanyn aıtyp, Qazaqfılm ǵımaratynyń aldynda narazylyqqa shyqqan bolatyn. Keıinnen Qazaqfılm anımatorlardyń qordalanǵan aılyǵyn tólep beretinin málimdedi.
Eńbek jolyn teatrdan bastap kıno salasynda da suranysqa ıe bolǵan akter qazir halyqaralyq kınojobalarǵa qatysý úshin Qytaıda júr.