11 oblys pen respýblıkalyq mańyzy bar 3 qalada turatyn AÁK pen turǵyn úı kómegin alýshylar úshin «QazTransGaz Aımaq» AQ-daǵy gazdy satýdyń bólshek baǵalary 20%-ǵa tómen.
Turǵyn úı kómegine muqtaj az qamtylǵan azamattar men ataýly áleýmettik kómek alýshylar tómendetilgen baǵamen gaz ala alady, dep habarlaıdy Almaty-akshamy.kz.
Qaraǵandy oblysynda 1 tekshe metr gazdyń baǵasy 36,4 tg, al AÁK jáne turǵyn úı kómegin alýshylar úshin - 29,1 tg qurap otyr. Túrkistan oblysy men Shymkentte 1 tekshe metr gaz 29,1 teńge tursa, al atalǵan kómek túrlerin alatyndar úshin - 23,2 teńge bolyp belgilengen.
Byltyr elimizde ataýly áleýmettik kómek 990,5 myń adamǵa taǵaıyndaldy. Olardyń basym bóligi Túrkistan oblysy (237,5 myń adam), Shymkent qalasy (225,8 myń adam) jáne Almaty oblysynyń (115,1 myń adam) turǵyndary.
Áleýmettik tólemderdiń eń joǵary ortasha aılyq mólsheri Astana (8,4 myń tg), SHQO (8,4 myń tg) men Almatyda (8,1 myń tg) tirkeldi.
Memlekettik turǵyn úı kómegin alýshy otbasylar sany 32,2 myńdy qurady. Olardyń eń kóp sany Qyzylorda (4,6 myń), Shyǵys Qazaqstan (4,1 myń) jáne Jambyl (4 myń) oblystarynda.
2021 jylǵy turǵyn úı kómeginiń ortasha mólsheri – 3,3 myń teńge. Eń joǵary kórsetkishter Mańǵystaý (8,4 myń teńge), Qyzylorda (6 myń teńge), Túrkistan oblystarynda (6 myń teńge) tirkeldi.