Otyrar aýdanyndaǵy avtomattandyrylǵan dárihana-taratý pýnktiniń qyzmeti pılottyq joba retinde taratylady, dep habarlaıdy Almaty-akshamy.kz Inform.kz-ke silteme jasap.
QR Densaýlyq saqtaý mınıstri Ajar Ǵınıat Túrkistan oblysyna jumys sapary aıasynda 48 myń adamǵa qyzmet kórsetetin Otyrar aýdanynyń ortalyq aýrýhanasynda boldy. Ol dárigerge deıingi kabınetpen jáne emhananyń jalpy praktıka dárigerleriniń jumysymen tanysty, avtomattandyrylǵan dárihana-taratý pýnktin kórdi.
Bul apparat, eń aldymen, pasıentterge dári-dármekterdi táýliktiń kez kelgen ýaqytynda, medısına qyzmetkerleriniń qatysýynsyz óz betinshe alýǵa, adam faktoryn qospaǵanda, ADQ tizbesi boıynsha dári-dármekterdi bólýdegi ashyqtyqty qamtamasyz etýge múmkindik beredi.
Mınıstr sıfrlandyrý jónindegi qurylymdyq bólimshege osy tájirıbeni zerdeleýdi jáne pılottyq joba retinde engizýdi tapsyrdy.