Qazaqstandyqtar úshin suranysqa ıe qyzmetterdiń biri «bedeldi» nómirlerdi satyp alý bolyp otyr. Ótken jyly avtokólik ıeleri shamamen 6 mlrd teńgege VIP-nómirler satyp alǵan, dep habarlaıdy Almaty-akshamy.kz.
Polisia.kz-tiń málimeti boıynsha osyndaı nómirlerdi satyp alýdy qoljetimdi etý úshin İİM olardy tańdaý jáne brondaý boıynsha tıisti servıs ázirlengen. Bul servıs Sıfrlyq damý mınıstrliginiń «Smart Bridge» servıster vıtrınasynda ornalastyrylǵan. Servıs memlekettik qyzmetterdi kórsetýge arnalǵan barlyq ıntegrasıalyq platformalarda, onyń ishinde ekinshi deńgeıli bankterdiń mobıldi qosymshalarynda da qoljetimdi. Sonymen qatar azamattarǵa yńǵaıly bolý úshin aqparattandyrý salasyndaǵy ýákiletti organ osy qyzmetti eGov.kz elektrondyq úkimet portalyndaǵy jeke kabınetterge shyǵarý máselesin pysyqtap jatyr. Ótken jyldardaǵy taldaý kórsetkendeı, bul jyl saıyn 20 myńnan astam azamatqa mobıldi qosymshalar arqyly, HQKO-ǵa barmaı-aq, avtokólikterdi tirkeý kezinde onlaın-rejımde «erekshe» nómirlerdi tańdaýǵa jáne brondaýǵa múmkindik beredi. İİM memlekettik qyzmetterdi kórsetý sapasyn arttyrý jáne prosesterdiń ashyqtyǵyn qamtamasyz etý boıynsha jumysty jalǵastyrýda.