Almatyda halyqaralyq avtokólik tasymaly boıynsha kólik bıznesimen keńeıtilgen keńes ótip jatyr.
Qoǵamdyq pikirdi barynsha qamtý jáne sheshimder qabyldaýdyń ashyqtyǵyn qamtamasyz etý maqsatynda Qazaqstan Respýblıkasy Kólik mınıstrliginiń Avtomobıl kóligi jáne kóliktik baqylaý komıteti otandyq kólik bıznes jáne júkterdi halyqaralyq avtomobılmen tasymaldaý máseleleri boıynsha logıstıka ókilderimen jergilikti jerde keńeıtilgen keńes uıymdastyrdy.
İs-shara Almatydaǵy Logıstıka jáne kólik akademıasynyń ǵımaratynda ótýde. Kólik mınıstriniń jeltoqsan aıynda megapolıs turǵyndarymen kezdesýinde bergen ýádesine sáıkes Qazaqstannyń barlyq óńirinen tasymaldaýshylar shaqyryldy.
Kezdesý barysynda kásipkerlerge, sarapshylarǵa jáne salalyq qaýymdastyqtardyń (Kazlogistics, KazATO) jáne «Atameken» AES ókilderine qazaqstandyq tasymaldaýshylar arasynda sheteldik ruqsat blankilerin taratýdyń jańa tártibi tanystyryldy.
Taqyrypty talqylaý aıasynda QATTK tóraǵasy Altaı Áli naryq qatysýshylaryn Kólik mınıstriniń «Qazaqstan Respýblıkasy Investısıalar jáne damý mınıstri mindetin atqarýshysynyń Sheteldik ruqsattar blankilerin berýdiń jańa tetigin qamtıtyn «Qazaqstan Respýblıkasynda halyqaralyq qatynasta avtomobıl kóligimen tasymaldaýǵa ruqsat berý júıesin qoldaný qaǵıdalaryn bekitý týraly»jobasyn qarastyrýdy usyndy.
Daıyndalǵan qujatta memlekettik organ ruqsat blankilerin taratý júıesindegi erkin básekeni qamtamasyz etedi. Sondaı-aq, Qazaqstanda shaǵyn jáne orta bıznesti damytýdy shekteıtin, ıaǵnı, kóleńkeli naryqta blankilerdiń jasandy tapshylyǵyn týǵyzatyn máselelerdi joıady jáne olardy qaıta satýǵa múmkindik beremeıdi.
Atap aıtqanda, CATTK kólik quraldarynyń tasymaldaý tarıhy men qyzmetine shekteýlerdi alyp tastaýdy, belgili bir tapsyrys bolǵan jaǵdaıda kez kelgen otandyq tasymaldaýshyǵa blankilerdi berýdi, blankilerdi kóleńkeli naryqta qaıta satýdyń barlyq alǵysharttaryn joıýdy, blankilerdi berý týraly sheshimder qabyldaý úderisterinen kóliktik baqylaý ınspeksıalaryn alyp tastaý, sondaı-aq blankilerdi paıdalanýdy qashyqtyqtan baqylaýdy engizý.
Sonymen qatar naryq qatysýshylarymen halyqaralyq júk tasymaldaýdyń basqa da problemalyq máseleleri de ashyq talqylanýda.