Jyl basynan beri elordada kólikterdiń órtenip ketýi kúrt artty.
Astana qalasy Tótenshe jaǵdaılar departamentiniń mamandary qala turǵyndaryna jolda júrý kezinde órt qaýipsizdigin saqtaý erejelerin eske saldy, dep habarlaıdy Almaty-akshamy.kz Elorda.info-ǵa silteme jasap.
Kólikterdiń órtenýine elektr symdarynyń durys jumys istemeýi jáne gaz balondy jabdyqtyń durys ornatylmaýy, sondaı-aq tehnıkalyq tekserýdiń durys júrgizilmeýi sebep bolyp otyr.
Osyǵan baılanysty elordalyq TJD órt qaýipsizdigi erejelerin saqtaýdy eske salady. Eger kólik qozǵalys kezinde janǵan bolsa, mynadaı áreketterdi oryndaý kerek:
- Kólikti dereý toqtatyp, jolaýshylardy salonnan evakýasıalaý;
- 101 nómirine qońyraý shalý, sondaı-aq jaqyn mańdaǵy adamdardan kómek surańyz;
- qozǵaltqyshty sóndirip, kapotty ysyrmalardan bosatý, akýmýlátordy dereý ajyratý jáne órt sóndirgishti qoldaný. Tez tutanatyn suıyqtyqtar men elektr jabdyqtaryn sóndirýge arnalǵan keminde bir lıtr órt sóndirgishti ózińizben birge alyp júrgenińiz jón. Órt sóndirgishtiń kólemi neǵurlym kóp bolsa, órttiń aldyn alý múmkindigi soǵurlym joǵary bolady;
- qozǵaltqyshtaǵy órtti óshirý úshin sýdy qoldanbańyz, ol elektr symdarynyń qysqa tuıyqtalýyna jáne janarmaı janýynyń órshýine ákelýi múmkin;
- eger órt suıyq otyn kóliktiń artqy jaǵyna taralsa, dereý kólikten alys jerge júgirińiz;
- eger avtokólik garajda órtenip ketse, ony syrtqa shyǵaryp sóndirińiz;
- eger siz sol sátte maımen nemese benzınmen jumys istegen bolsańyz, órtti sóndirýge tyryspańyz. Mundaı jaǵdaıda ózińiz zardap shegýińiz múmkin.