Malaızıanyń Pahang shtatynyń bıligi as qaldyǵyn tyńaıtqyshqa aınaldyrý bastamasyn júzege asyrýǵa kirisedi.
Bul jaıynda islam.kz portaly óz kezeginde AFP aqparat kózine jón siltegen IslamNews saıtyna silteme jasaı otyryp málim etedi, dep habarlaıdy Almaty-akshamy.kz.
Jamaǵat bolyp aýyz ashatyn úlken meshitterdiń kireberisterine, sondaı-aq, otbasymen aýyzasharǵa jınalatyn saıabaqtarǵa jyljymaly qoqys óńdeý mashınalary ornatyldy. Árbir osyndaı mashına táýligine 25 keli tamaq qaldyqtaryn óńdeı alady. Ázirge bul kórsetkish kún saıyn Malaızıadaǵy qoqys polıgondaryna ketetin 13 000 tonna jelinbegen azyq-túlikpen salystyrǵanda az. Ysyrapshyldyqpen kúresýdegi ıgi bastama ýaqyt óte kele el aýmaǵynda jappaı qoldanylýy múmkin. Al bul jaıt eldiń ekologıalyq ahýalyna oń áserin tıgizip, ekonomıkalyq tıimdi jobaǵa jol ashady: arzan tyńaıtqysh alýdyń ádisi retinde. Ózgeshe bastamany qatty qaldyqtardy óńdeý men qoǵamdyq jınastyrý korporasıasy kótergen bolatyn. Qurylǵy 48 saǵat ishinde azyq-túlik ónimderiniń qaldyńyn óńdeıdi, sodan keıin ol oralǵan túrde daıyn tyńaıtqyshtardy shyǵarady, odan ary tyńaıtqyshtar fermerlerge jóneltiledi.