Kólik mınıstrliginde kóliktik baqylaý ınspektorlary tarapynan zańsyz áreketter men ádepsiz minez-qulyq tirkelgen jaǵdaıda aýyr júk kólik júrgizýshilerine qaıda qońyraý shalýǵa bolatyndyǵy túsindirildi.
Jaýapty vedomstvo ǵımaratynda +7(7172) 98-35-35 jáne 98-35-33 nómirleri boıynsha táýlik boıy sıtýasıalyq-aqparattyq ortalyq jumys isteıdi, dep habarlaıdy aqshamnews.kz Kólik mınıstrligine silteme jasap.
Jaýapty vedomstvo ǵımaratynda +7(7172) 98-35-35 jáne 98-35-33 nómirleri boıynsha táýlik boıy sıtýasıalyq-aqparattyq ortalyq jumys isteıdi, dep habarlaıdy aqshamnews.kz Kólik mınıstrligine silteme jasap.
«Elimizdiń ár óńirinde kóliktik baqylaý ınspeksıasy jumys isteıdi. Kólik ınspektorlary kóliktik baqylaýdy júzege asyrady: ruqsat berý jáne ilespe qujattardyń bar-joǵyn tekseredi, avtokólikterdi ólshep, salmaqtyq jáne gabarıttik parametrlerdiń saqtalýyn tekseredi. Kóliktik baqylaýdyń prosesi mindetti túrde beıne jetondardy paıdalana otyryp júrgiziledi. Kóliktik baqylaý qyzmetkerleriniń bekette toqtaý (onyń ishinde jyljymaly) týraly talaptaryn oryndamaý ne kóliktik baqylaýdan ótýden bas tartý ákimshilik jaýaptylyqqa ákep soǵady», - dep eske saldy Kólik mınıstrliginde.
Sonymen qatar, barlyq resmı shaǵymdardy, ótinishter men usynystardy +7-700-098-35-35 (WhatsApp) nómiri boıynsha jiberýge bolady. Sondaı-aq, 1403 (Qazavtojol UK baılanys ortalyǵy) qysqa nómiri boıynsha habarlasýǵa bolady.
Qazir elimizde aýyr júk kólikterin ólsheıtin avtomattandyrylǵan stansıalar kezeń-kezeńimen engizilýde. Olar joldyń merziminen buryn tozýyn boldyrmaýǵa kómektesedi. Kólik quralyna shamadan tys júk tıelgen kezde júıe avtomatty túrde fotosýretke túsiredi, odan keıin bul aqparat kóliktik derekter bazasynyń aqparattyq-analıtıkalyq júıesine beriledi. Bul kólikti baqylaý komıtetine salmaq normalaryn asyrýǵa baılanysty quqyq buzýshylyqtar týraly habarlamalardy jedel jiberýge múmkindik beredi.4309:52