1996 jyldan beri barlyq Olımpıadaǵa qatysqan atletter Parıjge joldama ala almady.
Aýyr atletıkadan Qazaqstan quramasy alǵash ret Olımpıada oıyndaryna qatyspaıdy, dep habarlaıdy Almaty-akshamy.kz
Phýkette aýyr atletıkadan lısenzıalyq álem kýbogynda Sergeı Petrovıch pen Aınur Ábdiqalyqova Olımpıada joldamasy úshin baq synaǵan.
Sergeı Petrovıch (89 keli) jarysqa S tobynda qatysty. Ol julqa kóterýde 167, serpe kóterýde 196 kelini baǵyndyryp, qossaıys qorytyndysy boıynsha 363 kelini eńserdi. Bul kórsetkishpen Petrovıch 6-orynǵa jaıǵasty.
Al Aınur Ábdiqalyqova 49 kelige deıingi olımpıadalyq salmaqta óner kórsetip, S tobynda 5-orynǵa taban tiredi. Ol julqa kóterýde 72, serpe kóterýde 88 kelini, qossaıys qorytyndysynda 160 kelini baǵyndyrdy.
Osylaısha, qazaqstandyq aýyr atletter Parıjde ótetin Olımpıada oıyndaryna joldama ıelene almady.