Sebebi 9 jol júrý ýchaskesinde sý tasqyny boldy.
Qazirgi tańda respýblıkalyq joldarda 323 birlik tehnıka men 462 adam jumyldyrylǵan, dep habarlaıdy Almaty-akshamy.kz
«Halyqaralyq jáne respýblıkalyq mańyzy bar avtomobıl joldarynda aýa-raıynyń jylynýy men qardyń tez erýi saldarynan 5 oblysta (Aqmola, Atyraý, SQO, Pavlodar, Qostanaı) 9 jol júrý ýchaskesinde jalpy uzyndyǵy 3430 metr bolatyn sý tasqyny oryn aldy. 7 oblystaǵy (Aqtóbe, Aqmola, Atyraý, Qostanaı, Pavlodar, Mańǵystaý, SQO) respýblıkalyq mańyzy bar 13 avtomobıl joldarynda (uzyndyǵy 650 km) qozǵalysqa shekteý qoıyldy», delingen Qazavtojol mekemesi taratqan aqparatta.