Chempıonatqa elimizdiń 22 sportshysy qatysýda
Ózbekstannyń Tashkent qalasynda jasóspirimder arasynda aýyr atletıkadan Azıa chempıonaty ótýde, dep habarlaıdy Almaty-akshamy.kz BAQ.KZ-ke silteme jasap.
Chempıonatqa álemniń 21 elinen 260-qa jýyq aýyr atletshiler qatysyp jatyr. Elimizdiń namysyn 22 sportshy qorǵaýda.
Jasóspirimder arasyndaǵy jarysta 73 kelige deıingi salmaq dárejesi boıynsha elordalyq Edige Emberdi 136 keli ziltemirdi serpe kóterýde kúmis, 173 keli ziltemirdi julqa kóterýde altyndy qanjyǵalady.
Osylaısha, baıraqty básekede jerlesimiz Edige qossaıystyń 309 nátıjesimen Azıa chempıonatynyń eń joǵary kórsetkishi boıynsha jastar arasynda aýyr atletıkadan álemdik rekord ornatty.
Aıta keteıik, Edige 1 aı buryn Meksıkada ótken Jastar arasyndaǵy álem chempıonatynda 306 nátıjesimen rekord qoıǵan bolatyn.
Buǵan deıin 17 jasqa deıingi 55 keli salmaq dárejesindegi otandastarymyz Erasyl Ýmarov 228 kg qossaıysta qola júlde ıegeri, Dará Balabaıýk 49 kelige deıingi salmaq dárejesinde 86 kg ziltemirdi julqa kóterýde kúmis medal ıegeri atanǵan bolatyn.
Azamat Tólegen 150 keli ziltemirdi julqa kóterýde 2 oryn ıegeri atansa, 262 kg qossaıysta 3 orynǵa ıe boldy.
Aıta keteıik, Tashkentte ótip jatqan Azıa chempıonaty 25 shildege deıin jalǵasatyn bolady.
Sportshylarymyzdy shyn júrekten jeńisterimen quttyqtaımyz.