Azıa chempıonaty 25 shildede máresine jetedi
Qazaqstandyq Nadejda Lı aýyr atletıkadan jasóspirimder arasyndaǵy Azıa chempıonatynda kúmis medal aldy, dep habarlaıdy Almaty-akshamy.kz Qazaqstan aýyr atletıka federasıasyna silteme jasap.
Ol 17 jasqa deıingi jasóspirimder arsynda 64 keli salmaqta synǵa tústi. Qossaıystyń qorytyndysymen ol 184 (100+84) kelini baǵyndyrdy. Eske salsaq, budan buryn el quramasynan Edige Emberdi (73 keli) pen Álisher Baıbýrov (67 keli), Denıs Polýboıarınov (81 keli) altyn aldy. Sondaı-aq, Arýjan Dáýletova (71 keli), Alekseı Chýrkın (73 keli) kúmis medalǵa qol jetkizdi. Al Erasyl Omarov (55 keli) pen Azamat Tólgen (61 keli) qola júldeger atandy. Aıta ketsek, qurlyqtyq doda Ózbekstan astanasy Tashkent qalasynda ótip jatyr. Onda 13-17, 15-20 jas aralyǵynda júldeler sarapqa salynady. Sondyqtan keıbir sportshylar ekeýinde de synǵa túsedi. Qurlyqtyq dodaǵa uldardan 13, qyzdardan 9 aýyr atlet bardy. Azıa chempıonaty 25 shildede máresine jetedi.