Elimizde ınternetpen tıisti deńgeıde qamtylmaǵan 600 aýyl bar eken.
SES jahandyq spýtnıktik operatordyń bas atqarýshy dırektory Stıv Kollar Qazaqstandaǵy aýyldarda ınternetti qamtamasyz etý josparyn aıtty, dep habarlaıdy almaty-akshamy.kz
«Biz ǵarysh ındýstrıasymen aınalysyp kelemiz jáne bul sala - mańyzdy baǵyttardyń biri. Indýstrıada KazSat-pen jáne basqa da seriktestermen birge ózekti sanalatyn salany ıgerip kelemiz. Sondyqtan óte baǵaly tehnıkalyq tájirıbeni zerdelep jatyrmyz», - dedi Stıv Kollar Digital Bridge halyqaralyq tehnologıalyq forýmynda.
Sonymen qatar ol ınternetpen qamtamasyz etý boıynsha qazaqstandyq tarappen birlesken jumys josparlaryna toqtaldy.
«Forým barysynda 600 aýyl (Qazaqstanda) ınternetpen tıisti deńgeıde qamtylmaǵany aıtyldy. Biz osy oraıda bul baǵyttaǵy jumystardy retteı alamyz. Ǵaryshtyń múmkindigin paıdala otyryp, kez kelgen kontıngentti ári eldi mekendi qamtýǵa bolady. Qazaqstanda osy jumystardy qalaı iske asyramyz? Ony jergilikti kompanıalarmen seriktestik arqyly júrgizemiz. Biz sońǵy býyndaǵy tıisti spýtnıkterdi paıdalanbaqpyz», - dedi Stıv Kollar.