Atalǵan faktige qatysty tergeý amaldary júrip jatyr
Jetisý oblysynda aýyl turǵynynan zańsyz aýlanǵan 100 keli balyq tárkilendi. 63 jastaǵy er adam Kerbulaq aýdany Saryózek aýylynyń mańynda profılaktıkalyq is-shara barysynda ustaldy, dep habarlaıdy Almaty-akshamy.kz Polisia.kz-ke silteme jasap.
Onyń kóliginen balyqtyń ártúrli túrleri men paıdalanýǵa tyıym salynǵan daratalshyq torlary tabyldy.
«Tárkilengen balyqtyń jalpy salmaǵy - shamamen 100 keli. Balyq satý úshin qabyldaý pýnktine ótkizildi, odan ári jınalǵan qarajat memleket kirisine tapsyrylady. Kelgen shyǵyn 400 myń teńgege jýyq», - deıdi tabıǵat qorǵaý polısıasynyń aǵa ınspektory Baǵlan Rymjanov.
Atalǵan faktige qatysty Qylmystyq kodekstiń 335-babyna sáıkes tergeý amaldary júrip jatyr.