Qazaqstanda aýyl sharýashylyǵynda eńbek etip júrgen áıelderge arnalǵan «Lady Farmer» ulttyq baıqaýy resmı túrde bastaý aldy.
Bul joba agroónerkásiptik keshende eńbek etip júrgen nemese óz kásibin dóńgeletip otyrǵan áıelderdi qoldaýǵa jáne olardyń eńbegin dáripteýge baǵyttalǵan, dep habarlaıdy aqshamnews.kz.
Uıymdastyrýshylardyń málimetinshe, baıqaýǵa jańa kásip bastaǵan fermerlerden bastap iri agrokásiporyn jetekshilerine deıin qatysa alady. Ásirese ınovasıalyq sheshimderdi qoldanyp, sharýashylyǵyn damytyp júrgen áıelderge erekshe nazar aýdarylady.
Ulttyq statısıka komıtetiniń dereginshe, elimizde úsh mıllıonnan astam aýyl turǵyny - áıelder. Olardyń kópshiligi bilim berý, densaýlyq saqtaý, saýda jáne aýyl sharýashylyǵy salalarynda eńbek etedi. Sonymen qatar, árbir tórtinshi fermerlik qojalyq áıel adamnyń basshylyǵymen jumys isteıdi.
Baıqaý úsh nomınasıa boıynsha ótedi:
• AgroQueen 2025
• Miss Green Energy
• Aýyl Girl Power
Jeńimpazdardy agrarlyq BAQ ókilderi men tanymal agroblogerlerden quralǵan qazylar alqasy anyqtaıdy.
Fınal men marapattaý rásimi 2025 jylǵy 17 shildede «Jańa Dala / Green Day 2025» halyqaralyq kórmesi aıasynda ótedi.
Baıqaýdy EXPO TIME kompanıasy Ulybrıtanıa Elshiliginiń qoldaýymen uıymdastyryp otyr.