Traktorshy, mehanızator jáne agronom jetispeıdi.
Agroónerkásipte maman tapshy, dep habarlaıdy Almaty -akshamy.kz 24.kz-ke silteme jasap.
Sarapshylardyń pikirinshe, buǵan birinshiden, jalaqynyń azdyǵy áser etip otyr. Aıtalyq, sharýalar men baǵbandar shamamen 180 myń teńge nápaqa tabady eken.
«Veterınar jetispeıdi. Salany jaqsy biletin jáne jumysty júıeli uıymdastyra alatyn menedjer tapshy. Zamanaýı tehnıkany jóndeı alatyn ınjener-mehanık az. Aýyl sharýashylyǵynyń qaı baǵytyn alsaq ta, jaǵdaı máz emes»,- deıdi Qazaqstannyń Kartop jáne kókónis ósirýshiler odaǵynyń tóraǵasy Qaırat Beısetaev.
Qazaqstanda agroónerkásip mamanyn daıyndaıtyn 23 joǵary oqý orny bar. Jyl saıyn 2 myńnan astam stýdent bilim alyp shyǵady. Biraq olardyń teń jartysy basqa salaǵa ketedi, - deıdi mamandar.
Ádette, jas mamandar mindetti jumys isteý merzimi aıaqtalǵan soń turaqtamaıdy. Ary ketse alǵan mamandyǵy boıynsha 3 jyl eńbek etedi, - deıdi sarapshylar. Sonda tyǵyryqtan shyǵar jol qaısy? Sarapshylardyń pikirinshe, «Dıplommen aýylǵa» baǵdarlamasyn keńeıtip, salaǵa maman tartýdyń basqa da joldaryn qarastyrý qajet.