Qarjy mınıstri Mádı Takıev pen Ulttyq ekonomıka vıse-mınıstri Azamat Ámrın bıznes ókilderimen salyq reformasy sheńberinde QQS saralanǵan mólsherlemelerin belgileý jónindegi Úkimet usynystaryn talqylady.
Kezdesý «Atameken» ulttyq kásipkerler palatasynyń qoldaýymen uıymdastyryldy, oǵan bıznestiń, qaýymdastyqtardyń, qoǵamdyq jáne salalyq birlestikterdiń 150-den astam ókili qatysty, dep habarlaıdy aqshamnews.kz.
Olardyń qatarynda qazaqstandyq salyq keńesshileri qaýymdastyǵynyń, ózin-ózi retteıtin qoǵamdyq tamaqtandyrý uıymynyń ókilderi, Astana kásipkerler palatasynyń óńirlik keńesteriniń jáne óńdeý jáne farmasevtıka, medısına ónerkásibi komıtetteriniń, «Atameken» UKP, «Alageum Electric» kompanıalar tobynyń, «Petro mining» qaýymdastyǵynyń músheleri jáne basqalar bar.
«Memleket basshysy Qasym-Jomart Toqaev salyq júıesi teńgerimdi bolýy tıis ekenin atap kórsetti. Bul naqty nusqaý boldy. Ol bıznes pen memlekettiń múddelerin eskerýi kerek. Búgin biz basty máselelerdiń birin talqylaý úshin jınaldyq, bul qosylǵan qun salyǵyna qatysty. Biz óńirlerde Ekonomıka, Qarjy mınıstrlikteriniń, «Atameken» palatasynyń ókilderi qatysatyn kóptegen kezdesý ótkizemiz. Jumys úlken jáne jan-jaqty. Bizdiń meken-jaıymyzǵa kelip túsken barlyq usynystar tyńdalady. Biz biryńǵaı ustanymdy qalyptastyramyz, óıtkeni Salyq kodeksi óte qarapaıym, túsinikti, naqty bolýy tıis», dep atap ótti Mádı Takıev