Almaty oblysy Uıǵyr aýdanyndaǵy orta mektepterdiń birinde bar bolǵany 50 bala oqıdy. Osyndaı az oqýshymen 32 muǵalim jumys isteıdi, dep habarlaıdy Almaty-akshamy.kz Almaty.tv-ge silteme jasap.
Bul týraly Almaty oblysynyń ákimi Marat Sultanǵazıevtiń jumys sapary barysynda belgili boldy.
"Birlik Súmbe mektebinde 125 bala oqıdy. Janasaı negizgi mektebinde 50 oqýshy bar, olardy 32 adamnan turatyn ujym oqytady. Eki mektep te jóndeýdi qajet etedi, ekinshi mektep 1956 jyly salynǵan", - dedi bilim basqarmasynyń basshysy Saltanat Bespaeva.
Sonymen qatar osy aýdannyń Súmbe aýylynda 750 oqýshyǵa arnalǵan basqa mektep jumys isteıdi, onda 348 oqýshy bar. Oqý mekemesiniń ǵımaraty 1978 jyly salynǵan. Stomatologıa kabıneti bar. Negizgi sportzaldan basqa, túrli trenajeri bar fıtnes-ortalyq ashyldy, boks zaly jabdyqtalǵan. Saltanat Bespaevanyń aıtýynsha, oqý ornynda balalardyń oqýyna jáne jan-jaqty damýyna barlyq jaǵdaı jasalǵan.
Oblys ákimi Marat Sultanǵazıev balalardy eki mekemeden Súmbe mektebine aýystyrýdy tapsyrdy. Bosaǵan jerdi qosymsha bilim berý mektebi retinde paıdalaný usynyldy. Sonymen qatar, oblys ákimi jabylatyn mektepterdiń pedagogtaryn aýdannyń basqa bilim berý mekemelerine jumysqa ornalastyrýdy tapsyrdy.